AADF Prezanton Programin BRIDGE

Më 20 Maj 2025, AADF prezantoi zyrtarisht Programin BRIDGE. Kjo nismë ka për qëllim forcimin e kapaciteteve të Institucioneve të Arsimit të Lartë në Shqipëri në fushat e menaxhimit të projekteve, bashkëpunimit kërkimor dhe përfitimit të fondeve nga BE-ja.

Në aktivitet morën pjesë Kryetar i Bordit të AADF-së dhe Bashkëdrejtorët Ekzekutiv, drejtues universitetesh, përfaqësues të qeverisë dhe profesionistë të Diasporës, të bashkuar në një vizion të përbashkët për përmirësimin e cilësisë akademike. Ndër folësit kryesorë ishin Prof. Dr. Artan Hoxha, Rektori i Universitetit të Tiranës; Znj. Ogerta Manastirliu, Ministre e Arsimit dhe Sportit; si dhe përfaqësuesi nga Blue Door, partneri ndërkombëtar konsulent i programit BRIDGE.

Z. Granoff theksoi rëndësinë e partneriteteve strategjike dhe përfshirjes së Diasporës në transformimin e universiteteve shqiptare në qendra moderne dhe konkurruese të kërkimit shkencor.

Aktiviteti u përmbyll me nënshkrimin e marrëveshjeve të bashkëpunimit mes AADF, Universitetit të Tiranës dhe Universitetit të Korçës, duke shënuar fillimin e një angazhimi afatgjatë për inovacion, bashkëpunim dhe ndikim ndërkombëtar.