AADF prezanton Programin më të ri të Bursave në Shqipëri

Më 19 maj 2025, Qendra e Inovacionit në Piramidën e Tiranës priti prezantimin të Programit të Bursave të AADF. Kjo nismë synon zgjerimin e mundësive të edukimit për studentët shqiptarë, duke mbështetur ekselencën akademike si në nivel kombëtar ashtu edhe ndërkombëtar.

Programi përmban dy komponentë kryesorë:

• Bursa për studentët e talentuar në programe të dyfishta ose certifikime ndërkombëtare në institucionet vendase.
• Mbështetje me bursë për studime pasuniversitare në universitete prestigjioze në Shtetet e Bashkuara të Amerikës.

Në këtë event të rëndësishëm morën pjesë  Z. Michael D. Granoff, Kryetari i Bordit Drejtues të AADF; Z. Martin Mata dhe Z. Aleksandër Sarapuli, Bashkëdrejtorët Ekzekutiv të AADF; Znj. Nancy VanHorn, E Ngarkuara me Punë nga Ambasada e SHBA-së; znj. Ogerta Manastirliu, Ministre e Arsimit dhe Sportit; si dhe përfaqësues nga RIT, Kolegji i Evropës dhe Holberton Albania.

Me fjalime frymëzuese dhe nënshkrimin e Marrëveshjeve të Bashkëpunimit me institucionet partnere, eventi  theksoi angazhimin e AADF për të adresuar sfidat e sistemit arsimor dhe për të nxitur ekselencën akademike në arsimin e lartë në Shqipëri.