Ron Cami

Anëtar i Bordit

Biografia

Ron Cami është Partner Ekzekutiv në Flagship Pioneering, një kompani lider në fushën e investimeve në shkencat e jetës, e njohur veçanërisht për themelimin dhe zhvillimin e kompanisë Moderna.

Në Flagship Pioneering, Ron është anëtar i Ekipit Drejtues Ekzekutiv dhe udhëheq iniciativat strategjike dhe transaksionet e kapitalit. Më parë, ai ka qenë Partner në platformën e administrimit të aseteve në sektorin e kujdesit shëndetësor në SHBA, pjesë e grupit B-FLEXION (ish-Waypoint Group), ku ka shërbyer si anëtar i Bordit të Drejtorëve dhe Komitetit Ekzekutiv të grupit, si dhe ka mbikëqyrur partneritetet e investimeve dhe zotërimet e drejtpërdrejta të grupit në SHBA.

Përpara se t’i bashkohej B-FLEXION, Ron ka qenë Partner dhe Këshilltar i Përgjithshëm Ligjor në TPG Global, në San Francisko, si dhe anëtar i Komitetit të Shqyrtimit të Investimeve. Më herët gjatë karrierës së tij, ai ka qenë Partner në firmat ligjore Cravath, Swaine & Moore dhe Davis Polk & Wardwell.

Aktualisht, Ron është anëtar i bordeve drejtuese të Sail Biosciences dhe Ampersand Biosciences.

Ron është diplomuar në Universitetin Harvard, ku ka përfunduar studimet universitare, dhe ka marrë diplomën në Drejtësi nga Universiteti Rutgers. Ai ka shërbyer gjithashtu si ndihmës ligjor i gjyqtarit të nderuar Kevin Thomas Duffy, në Gjykatën Federale të Distriktit Jugor të Nju Jorkut.

Albanian-American Development Foundation
Cookies Policy

We use cookies to make our site work properly, to personalize content and ads, to provide social media features and to analyze our traffic. We also share information about how you use our site with our social media, advertising and analytics partners. Read the Cookies Policy.