Ftesë për Thirrjen #00192 Shërbime dizajni për rivitalizimin e Kalasë së Elbasanit: Projekt Ide për të gjithë Kalanë e Elbasanit dhe Projekt zbatimi për zonën A.

Fondacioni Shqiptaro-Amerikan për Zhvillim fton kompanitë e kualifikuara të aplikojnë për këtë tender.

Qëllimi kryesor është identifikimi i një studioje arkitekturore, e cila të realizojë një Projekt ide për të gjithë zonën e Kalasë së Elbasanit dhe një projekt zbatimi të detajuar për zonën A që të ruhet dhe përmirësohet rëndësia historike dhe kulturore e zonës, dhe njëherazi të transformohet në një destinacion të rigjallëruar dhe të aksesueshëm si për vendasit ashtu edhe për vizitorët.