TUMO Tirana dhe Piramida e Tiranës

Fuqia krijuese e të rinjve nëpërmjet teknologjisë si premtim për të ardhmen

 Ne në AADF jemi besojmë se aftësia krijuese është çelësi për një të ardhme më të mirë. Për ne piramida nuk përfaqësonte thjesht një kujtesë të hidhur nga e kaluara, por një mundësi për të ngritur një qendër për teknologji ku mendjet më kreative të Shqipërisë do të projektojnë të ardhmen.

Godina e cila dikur shërbente si mauzole për ish-diktatorin e Shqipërisë tashmë do të shndërrohet në qendrën më të madhe teknologjike të Ballkanit dhe do të jetë shtëpia e re e TUMO Tirana. TUMO Tirana është e para qendër për teknologji kreative në Shqipëri, e cila i ofron studentëve mundësinë të mësojnë aftësi të domosdoshme të shekullit të 21-të si animacion, zhvillim të lojërave, dizajn grafik, realizim të filmave, muzikë, modelim 3D, dhe robotikë.

Duke qenë një program pas-shkollor, TUMO ofron një eksperiencë unike mësimore, e cila ndërthur teknologjinë dhe dizajnin. TUMOianët nga mosha 12 deri në 18 vjeç do të kenë mundësinë të zgjedhin vetë rrugëtimin e tyre mësimor duke përfituar aftësi në disa nga fushat më novatore të shekullit të 21-të. Nëpërmjet një sërë aktivitetesh, të mësuarit në mënyrë të pavarur, workshop-eve bashkëvepruese, si dhe laboratorëve mësimor, të rinjtë e TUMO-s do të jenë të lirë të ndjekin ato fusha të cilat do t’i ngjallin më shumë interes.

Programi i TUMO Tirana bazohet në modelin e suksesshëm të “TUMO Center for Creative Technologies”, një markë botërore e cila është e pranishme në 10 qytete të ndryshme të Armenisë si dhe në Paris, Bejrut, Moskë, Berlin, Kiev, dhe Lion.

TUMOianët do të largohen nga TUMO me një eksperiencë transformuese si dhe me një përmbledhje të punimeve të tyre më të mira. Ato do të mund t’i ndajnë këto arritje me shoqërinë, familjen, si dhe punëdhënës të ardhshëm, jo vetëm për të rritur shanset e tyre për punësim në të ardhmen por edhe për të nisur karrierën e tyre në një botë gjithmonë e më tepër digjitale.