Coding Academy by Protik

Nxitja e Sektorit të TIK-ut në Shqipëri: Një Forcë Kyçe për Mbushjen e Hendekut të Aftësive

AADF njeh rolin thelbësor që ka sektori i TIK-ut në Shqipëri, si motor i zhvillimit ekonomik, nxitës i inovacionit, krijues i vendeve të punës dhe faktor që e pozicionon vendin në mënyrë konkurruese në skenën globale.

I lançuar nga AADF në dhjetor të vitit 2019, Coding Academy by Protik është një nismë trajnimi e krijuar për të mbushur hendekun e aftësive në sektorin në zhvillim të TIK-ut. Akademia u ofron profesionistëve të aftë, pavarësisht moshës dhe përvojës, përfshirë edhe ata pa eksperiencë të mëparshme në teknologji, mundësinë për të ndjekur karriera në këtë fushë me kosto të përballueshme.

Në vitin 2023, akademia nisi një plan ambicioz zgjerimi në nivel kombëtar, me synimin për të trajnuar dhe certifikuar mbi 750 studentë çdo vit në tetë qytete kryesore të Shqipërisë.

Coding Academy by Protik është një bashkëpunim mes Qendrës së Burimeve TIK Protik, një nismë e AADF, dhe ekspertizës ndërkombëtare në trajnimin e zhvilluesve të softuerit. Qeveria shqiptare ka ofruar bujarisht ambientet ku ndodhet akademia, në qendër të Tiranës.

Duke rritur numrin e programuesve dhe zhvilluesve të kualifikuar, Shqipëria do të arrijë të plotësojë kërkesat e tregut vendas dhe të pozicionohet në mënyrë konkurruese në industrinë globale të TIK-ut, që po zhvillohet me ritme të shpejta.