Ju prezantojmë TUMO Tirana: Përvoja me novatore e të mësuarit në qytet

Krijimtaria nuk njeh kufij. Ajo do të hap rrugën për një të ardhme më të mirë. Ju prezantojmë me TUMO Tirana, qendrën për teknologji kreative e cila sjell një përvojë të re mësimore në Shqipëri, ku studentët kanë mundësi të shpalosin gjithë potencialin e tyre krijues nëpërmjet dizajnit dhe teknologjisë.

TUMO parashikon një rrugëtim mësimor i cili do t’i lejoj studentët të zgjedhin vetë drejtimin e tyre për të përvetësuar aftësi të domosdoshme të shekullit të 21-të si animacioni, zhvillimi të lojërave, dizajni grafik, realizimi i filmave, muzika, modelimi 3-D, dhe robotika. TUMO do të ketë si ambient të përkohshëm Arena Center deri në përfundimin e shtëpisë së saj të përhershme, Piramidën e Tiranës.

TUMO Tirana është më tepër se një qendër për teknologji, ajo është një strehë për shprehjen e lirë dhe rritjen e aftësive. Brenda mureve të TUMO-s, mendjet e të rinjve do të përvetësojnë të menduarit kritik, bashkëpunimin me moshatarët e tyre, si dhe do të kuptojnë vlerën e pranimit të këndvështrimeve të tyre unike. TUMO Tirana do të shndërrohet në një pikë takimi për krijimtarinë, ku shkëndijat e novacionit do të përhapen nga njëra mendje te tjetra.