Një vizion transformues për Piramidën: AADF nënshkruan memorandumin e mirëkuptimit me Bashkinë e Tiranës

AADF është angazhuar për të pasur një ndikim të qëndrueshëm në peizazhin fizik dhe shoqëror të Shqipërisë. Rritja e njohurive digjitale në vend do të sjellë përfitime të shumta, duke ndikuar në zhvillimin ekonomik, arsimor dhe social.

Përshtatja dhe përparimi në një botë gjithmonë e më tepër të digjitalizuar është thelbësore për çdo individë apo komb në tërësi. Si pjesë e angazhimit për të rritur njohuritë digjitale në vend, dhe duke vijuar bashkëpunimin me Bashkinë e Tiranës,  Fondacioni Shqiptaro-Amerikan për Zhvillim nënshkroi një memorandum mirëkuptimi për projektin e rijetëzimit të Piramidës së Tiranës.

AADF do të financojë projektin arkitekturor dhe do të hartoj një plan biznesi i cili synon transformimin e Piramidës në një qendër për teknologji kreative.