Bordi i Administratorëve të AADF-së ka emëruar z. Martin Mata si Drejtorin e vetëm Ekzekutiv të Fondacionit.

Bordi i Administratorëve i Fondacionit Shqiptaro-Amerikan për Zhvillim (AADF) ka emëruar z. Martin Mata si Drejtorin e vetëm Ekzekutiv të Fondacionit.

Me mbi tridhjetë e shtatë vite përvojë, prej të cilave njëzet e gjashtë vite pranë Fondit Shqiptaro-Amerikan të Ndërmarrjeve dhe Fondacionit Shqiptaro-Amerikan për Zhvillim, Bordi ka besim se Martini është në pozicionin e duhur për të udhëhequr AADF-në, ndërsa ajo vijon të rritet dhe të kontribuojë në zhvillimin e Shqipërisë, duke krijuar mundësi për çdo shqiptar.

Ky tranzicion në drejtim pasqyron angazhimin e vazhdueshëm të Fondacionit ndaj mirëqeverisjes dhe vazhdimësisë institucionale.

E mbështetur nga një ekip drejtues tejet i përkushtuar dhe e udhëhequr nga një vizion i qartë strategjik, AADF mbetet e angazhuar për të krijuar ndikim të qëndrueshëm përmes investimeve në arsim, sipërmarrje, trashëgimi kulturore, turizëm dhe zhvillimin e lidershipit.

U jemi mirënjohës partnerëve, përfituesve dhe palëve tona të interesuara për besimin e tyre të vazhdueshëm dhe presim me kënaqësi të çojmë përpara së bashku misionin e Fondacionit në vitet që vijnë.