Thirrje për Tender #201/26: Punime kopshtarie dhe instalimi i sistemit të ujitjes në parkun e Qendres Piramida.

Fondacioni Shqiptaro-Amerikan për Zhvillim (AADF) ndoqi rigjallërimin dhe transformimin e Piramidës së Tiranës në një qendër të rëndësishme për të rinjtë, teknologjinë, edukimin dhe inovacionin.

Si pjesë e angazhimit të vazhdueshëm për mirëmbajtjen dhe përmirësimin e cilësisë së Qendrës “Piramida” dhe hapësirave publike përreth saj, AADF synon të përmirësojë dhe mirëmbajë zonat ekzistuese në këtë hapësirë.

Ndërhyrja synon të përmirësojë cilësinë vizuale dhe qëndrueshmërinë mjedisore të parkut përmes shtimit të pemëve, luleve dhe elementeve të tjera të gjelbërimit, si dhe përmes mirëmbajtjes dhe riparimit të gjelbërimit ekzistues dhe sistemit të ujitjes.

Kjo ndërhyrje do të kontribuojë në mirëmbajtjen dhe përmirësimin e vazhdueshëm të mjedisit të jashtëm, duke siguruar një peizazh tërheqës dhe të mirëmbajtur për vizitorët, qiramarrësit e Qendrës Piramida dhe publikun e gjerë.