Thirrje për Tender #00206:

Fondacioni Shqiptaro-Amerikan për Zhvillim (AADF) po mbështet Ministrinë e Arsimit dhe Agjencinë Kombëtare të Shërbimeve të Arsimit (AKSHA) në procesin e modernizimit dhe reformimit të Agjencisë, me synimin për të forcuar kapacitetet e saj në ofrimin e shërbimeve arsimore në Shqipëri. Në kuadër të kësaj mbështetjeje, AADF shpall tenderin për ndërtimin e zyrave të reja, sallave të provimeve, ambienteve ndihmëse dhe hapësirave përreth për AKSHA-në, pranë Universitetit Bujqësor të Tiranës.

Projekti parashikon përshtatjen e tre kateve të një godine të ndërtuar së fundmi në ambiente moderne dhe funksionale, të afta për të mbështetur veprimtarinë e AKSHA-së në administrimin e vlerësimeve kombëtare dhe ndërkombëtare, provimeve të licencimit profesional, njohjes së diplomave dhe përgjegjësive të tjera institucionale. Punimet do të përfshijnë ndërtime, sisteme mekanike dhe elektrike, HVAC, CCTV, kontroll aksesi, sisteme alarmi dhe emergjence, si dhe rikualifikimin e hapësirave të jashtme.